Рӯзи 25-уми май дар пайи ҳамлаи неруҳои Русия ба вилояти Житомир, воқеъ дар шимолу ғарби Украина 3 наврас ба ҳалокат расидаанд. Дар ин бора Хадамоти давлатии ҳолатҳои фавқулодаи Украина хабар додааст. Қурбониён 8, 12 ва 17 сола будаанд.
Ба гуфтаи мақомоти Украина, дар ин ҳамла 10 каси дигар маҷруҳ шудааст, ки дар беморхона бистарӣ шуданд. "Чанд хонаи сокинон ҳам хароб шуданд,"-омадааст дар хабарномаи расмӣ.
Дар ноҳияи Бердичевскийи вилояти Житомир ду кас, азҷумла як кӯдак захмӣ шудаанд. Ба гуфтаи мақомоти Украина, дар ин ҳамла як бинои панҷошёна ва чанд хонаи дигар зарар диданд.